Kamada uyete ni ch'ëtë ibam

Jinda blogs tuba kë ts'ëykëbenetla kacheda uyete ni ch'ëtë ibam.
Jinda uxe të k'ënkan tuba utik ni ch'ëtë ibam.

1. Utuk'inte ni to'.
2. Upojkan ni to' i pitënte jakik ni ja' tuba jeykintik pam pechte'.
3. Ujëykan pam pechte' i uyekan ibam tu pam ni to'.
4. Up'o'okan unëk' ni ibam .
5. Upasbinte ubel unëk' .
6. Uju'binte unts'it yok te' tuba  asutën ni ibam.
7. Uxukinte ni k'ak i uye'kan ni ch'al pan xun.
8. Uyëkan ibam pam ch'al tuba uch'atën uba.
9. Asutën ibam k'a tëk'ik uts'.
10. Uts'ulinte ni axux.
11. Uyëkan tan pulatu.
12. Uye'binte ats'am ni axux tuba k'ulintik.
13. Uye'binte unch'ul ja' ni axux.
14. Upasbinte upat ni ibam.
15. Uxot'kan ni ibam.
16. Uyëkan tan pulatu bajka ya'an k'ë axux.
17. Uxabinte ni ibam dok k'ë axux.
18. Ta k'uxkintik uch'e aben uts'ëkti ni ibam, dok unxot apa' wa i salsa.
19. Uch'e' atupën apa' ibam tan waj tuba a k'uxe dok salsa.
¡¡¡Kola të kuxnanla!!!

Akë kolesbenetla tuba a ubinla kacheda uyute ni chët'ë ibam.
Vocabulario clave en español: Ibam/Pejelagarto, ch'ëtë/asar, k'ulintik/machacar o tamular, asutën/voltear, uxot'kan/cortar.

chënenla të YOUTUBE(net'e cheda)

Apënkëbi ni Natël T'an dok uk'ajalin ixyokot'anjob

Apënkëbi ni Natël T'an dok uk'ajalin ixyokot'anjob. Jinda ni patan tuba podcast tuba a ubin i tuba achënen upete uxe të ute të Yokot'an. Ni woyon daba ya'an ixiktakjob dok winkerejob ke uk'alin k'ëne'job ut'an të Yokot'an tan ukuxlejob i chechich këchendoko patan kama chichtëkë apënkëbondoko tan jindaba kabda. Ni patan ke uxe të ute të Natël T'an usakën ke noesbintik ubiji tuba këlot'lajob i ta kët'anla. Koba doko ke ni kët'anla kënkak bajka chich kada i chënintik ke uch'e kënkintik bajka mani ukënk'a. Dok jindaba kodoko ke ajnik k'en ke lot doko tan ni kaj i ajnik kën aj t'an ke ukënejob tuba uchen ts'ajijob, tuba ëlëst'an i tuba pëpët'an.

KëSoundcloud (net'e' cheda)

Facebook (net'e' cheda)

Këchënelib të Youtube (net'e' cheda)

Chechich tëkë ni Natël T'an ya'an tan woyom tuba ajpëk'in patanjob dok uk'ëbjob tu pam chanelib tuba ni t'anjob pam kab të Amerika Latina, kama unp'e patan tuba Global Voices ke usakënjob utuse unp'e kaj de ajpëk'in patanjob dok uk'ëjob tu pam chanelib pan ni kabda.

A chënen wida Global voices

Ixpatanjob:

IxEsmeralda Lopez              (Upëmi ixpatan)

IxGriselda Luciano               (Upëmi ixpatan)

IxMari Carmen Luciano       (2nd Upëmi ixpatan)

IxEleuteria Hernandez           (2nd Upëmi ixpatan)

Këlot' ixpatan:

IxMaria de los Angeles Hernández Gerónimo

 Ajtëklayajob:

IxAmanda Delgado  (Lingüista)

AjMaurice Pico        (Lingüista)

Versión en Español

Natël t'an nace por iniciativa de mujeres Yokotanes. Es un proyecto de podcast de audio y video enteramente hecho en nuestra lengua Yokot'an. Somos un equipo de mujeres y hombres que utilizamos constantemente el Yokot'an en la vida cotidiana, y trabajamos y radicamos dentro de las mismas comunidades donde nacimos. Natël T'an tiene como objetivo permitir abrir un espacio de uso más amplio y público para nuestra lengua. Queremos dar al uso de nuestra lengua un carácter más dinámico y mostrar que puede ocupar el espacio público que ha venido perdiendo. Con esto queremos motivar mayor participación de las comunidades y mayor popularidad del Yokot'an como fuente de información, de entretenimiento y de placer.

Nätel t'an también forma parte de la red de Activistas digitales de Lenguas Indígenas en America Latina, como parte de un proyecto de Global voices que busca construir una comunidad de activistas digitales en todo el mundo. 

Natël t'an jut

Jinda ni këjutdoko' tuba radiu   i chënelib tuba ajYokot'an